نكت مصرية مضحكة

اولا لنبدأ النكت المصرية نكت تموتكم من الضحك عشان نكت مصري :
1- مرة استاذ بيقول للفصل اللي فاكر نفسة حمار يقوم يقف راح ولد من الفصل وقف راح الاستاذ قالو هو انت فاكر نفسك غبي راح الولد قالو انا الصراحة اكسفت لما لقيتك واقف لوحدك

2-مرة 3 محششين كانو بيحششو راح الشرطة جت عشان تقبض عليهم راح كل واحد منهم استخبا في شوال راح الشرطي عند الشوال الاول واعد يضرب راح عمل المحشش صوت بطة قاقي قاقي راح قال دي بطة راح عند الشوال التاني راح ضربة راح عمل صوت معزة ماء ماء راح عند الشوال التالت واعد يضرب ويضرب ويضرب راح المحشش قال شوال بطاطس مبتفهمش

3-مرة واحد بيموت جمع أولاده كلهم علشان يوصيهم فنادي علي أكبرهم وقال له
:- أمسك عود الحطب ده وأكسره ، الولد مسكه كسره ، قاله أمسك عشر وأكسرهم ،
مسكهم كسرهم ، الأب :- أمسك 100 عود وأكسره ، الولد مسكهم وكسرهم ، فرد
الأب وهو ينظر لأولاده الأخرين : طول مامعاكم البغل ده مايتخفش عليكم

4- واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
جنيه

5- واحد واقف أمام محل عصير ومعهوش غير 25قرش قال اشرب عصير ولا اركب
الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت
هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو
وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها
مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.

6- واحد راح يتقدم لوحدة قابل ابوها , ابوها قاله انت كويس و كل حاجة بس مش شايف ان دي مناسبة ميكلش فيها لبانة قاله اصل انا باكل لبانة بعد السيجارة بس الاب قاله يالهوي انت بتشرب سجاير قاله يعني بعد الخمرة بس قاله يا نهار ابيض هو انت بتشرب قاله لا بس لما اروح كباريهات بس الاب كان هيتشل و قاله هو انت بتروح كباريهات قاله ما هو من ساعة ما دخلت السجن مبقتش عارف اروح فين قاله نعم انت دخلت السجن ؟ قاله اصل انا قتلت واحد قاله يالهوي قاتل و قتلته ليه قاله اصل هو مرضاش يجوزني بنته قاله على بركة الله عايز الفرح امتى؟؟؟؟؟؟؟؟؟؟

7-مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته